De

I am a bairn.
I am de.
I am in de.

Du is a bairn. Du stands at da hert
O da settlement. Dy feet ir bare,
Dir dirty, klestered wi gutter.
Dy body is cled wi coorse cloot.
Da reek o baests is apo dy skyn.
Hit is dy smell.
Du fingers da waa of dy hame,
Near da daek quhar da sentry staands.
It's a big roon crø, biggit be haand,
Møld underfit an owrehead girss.
Du touches dy hair, hit's aggelt an lang.
Du's never seen dy face, forbye atill da
Faces o dy bridders an dy sisters; du døsna ken
If du is 'beautiful' - but du feels it.

Da kennin is in de.
Du døsna seek 'knowledge'.
Feet in da gutter, du belangs.

de=you; dy=your; bairn=child; klestered=slathered, covered in; gutter=dirt, mud;
cled=clad; cloot=cloth; daek=dyke, wall; quhar=where; biggit=built;
Robert Alan Jamieson ©